Zar Ki Bajaaye Pyar Ki Aisi Boli Rakh-khi Jaaye
Jiss Pay Khoshi Say Her Baiti Ki Doli Rakh-khi Jaaye
Jin Ki Qaba Say Haws Ka Daman Dheela Parhta Ho
Unn HathoN MeiN Unn Kay Ghar Ki Choli Rakh-khi Jaaye
Tumm Hi Bataao! Kya Qeemat Do Gay Tumm Uss Ghar Ki
Jiss Ki BunyadoN MeiN Khoon Ki Holi Rakh-khi Jaaye
ALI JinhoN Nay Dukh Sukh Kay Dinn Saath Bitaaye HoN
Yaad Hamaish Unn YaaroN Ki Toli Rakh-khi Jaaye
Copyright © 1998 Muhammad Ali Khan. All Rights Reserved.
